Turkiyaning mashhur xonandasi Yildiz Tilbe mintaqadagi insonparvarlik holatiga befarq qolmay, G‘azo sektorida fuqarolarning hayot sharoitini yaxshilash uchun 300 ming dollar miqdorida xayriya qildi.
Bu mablag‘ Quddus ko‘ngillilar uyushmasi orqali G‘azoda urush va hujumlar tufayli boshpanasiz qolgan oilalar uchun ikki to‘liq jihozlangan chodir shaharchasini qurishga sarflanmoqda. Qurilish ishlari allaqachon boshlandi, vayron qilingan hududlar tozalandi va Ramazon oyigacha ushbu chodir shaharchalar tayyor bo‘lishi rejalashtirilgan.
Bu turdagi yordam — uylarini yo‘qotganlar uchun barqaror turar joy yaratish va asosiy ehtiyojlarni qondirishga yo‘naltirilgan amaliy yordamdir. Bundan tashqari, Tilbe G‘azada ovqat ehtiyoji bo‘lgan oilalar uchun konsert ham o‘tkazishni rejalashtirmoqda. Yildiz Tilbe kabi san’atkorning bunday yordami mintaqadagi og‘ir vaziyatni yengillashtirishga qaratilgan ijobiy qadam sifatida katta e’tibor qozonmoqda.
